۱۱.۵.۸۵

میوانه‌ شێعر


دوو شێعری سماییل سماییل زاده‌
ئه‌م په‌نجه‌ره‌ دڵداره‌ی ئێره‌
بۆ ماچێکت
گشت ئینتیزاری ئاواڵا کرد
هه‌ر لێره‌وه‌ رێگه‌م تژی بوو له‌ هات و چۆت
قه‌ت کۆتاییم پێ نه‌هات
چیها ساڵی گه‌شمان بۆ نانی پێکه‌وه‌ بوونێکی تاهه‌تایه‌ شێلا
****
په‌نجه‌ره‌ ناته‌واو
چرکه‌کانیش تێنه‌گه‌یشتوو
ماندوو!
به‌ ته‌نیشت گفت وگۆیه‌کی به‌رۆک دادڕاو،بـــــا
به‌شه‌قه‌ پیره‌کانیه‌وه‌ له‌ پیاسه‌ دایه‌
سیه‌کانی پڕ له‌ بۆنی سیسی گۆڵی کراسێک
ئه‌م مه‌رگه‌ ده‌سته‌نگه‌ گۆرانی ساکاری ده‌وێ
ده‌کۆکێ
ده‌کۆکێ
دیمانه‌یه‌کی داگیساو
سوووتووی لێوێکی شه‌که‌ت
چاوانێکیش
دانیشتووی ئینفرادیه‌کی بێده‌رکه‌
ئیتر ته‌نگ و تاریکی ئێره‌ قه‌ت ناخه‌ڵه‌تێ
ئه‌م ماچه‌ ره‌ش کراوه‌شی
تووڕه‌تر
گه‌ر گوێ له‌ ترپه‌ی پێی،چێوی ئه‌م تابووته‌ سه‌ر هه‌ڵگرتووه‌ نه‌گری....
كۆيه‌: 22/12/2005
...................................................

دامه‌به‌زه‌!
كه‌ سیه‌‌كانى دره‌ختێان پشكنى،
پرسگه‌كان
ئه‌مجاره‌.. ردێن تاشراو
كوڵمه‌سوور
بۆن له‌ په‌پووله‌‌ و كۆتر ده‌ڕِفێنن
پرسگه‌كان
ئه‌مجاره‌.. پاتۆڵێان داكه‌ندووه‌
هه‌ڵده‌په‌ڕِن
رووت رووت
لیكیان دێته‌خوار
دامه‌به‌زه‌!
پرسگه‌كان
ئه‌مجاره‌.. سمێڵ له‌‌ چراى سه‌وزى رۆێشتن هه‌ڵده‌سوون
دووگمه‌ى شه‌قام ده‌ترازێنن
پاش ئه‌وه‌ى به‌ باخچه‌دا هه‌ڵمیزتن*


25/12/2005

گه‌ڕان له‌م ماڵۆچکه‌دا